Туган як, көн саен
Искә төшәсең;
Күңелемнән чыкмыйсың,
Төшкә керәсең.
Сагындым, сагындым,
Бик сагындым
Без үскән авылның
Айлы тын кичләрен,
Былбыллы бакчаның (Хуш исләр бөркегән)
Шомырт исләрен.
Оныталмыйм (онытмам) камышлы
Аккош күлләрен,
Битемнән иркәләп
Искән җилләрен.
Сагындым, сагындым,
Бик сагындым
Без үскән авылның
Хуш исле урманын,
Кырларда сайраган
Сабан тургаен.
Күңелем ашкына
Туган якларга,
Йөрергә җиләкле
Яшел аланда.
Сагындым, сагындым,
Бик сагындым;
Йөрәгем (күңелем), җилпенеп,
Көтә таң атуын.
Кыр казы шикелле
Очып кайтырмын.