Кайчан гына әле бергә идек,
Бергә йөри идек болында.
Шул болыннан җыеп бүләк иткән
Чәчәкләрем иде кулыңда.
Ә бүген синең туй, янәшәңдә бүтән,
Ә бүген синең туй, сөюләрең шулмы?!
Икәү бергә йөргән таныш болыннардан
Чәчәк җыям бүген котлап синең туйны.
Котлый дуслар сине туең белән
Шатлык бизи нурлы йөзләрен.
Берәүгә дө инде кирәк түгел
Бүген минем яшьле күзләрем.
Ә бүген синең туй, янәшәңдә бүтән,
Ә бүген синең туй, сөюләрең шулмы?!
Икәү бергә йөргән таныш болыннардан
Чәчәк җыям бүген котлап синең туйны.
Туең бүген, бүген яңгыр ява
Мин бармадым синең туеңа.
Елмаеп син, алсу гөлләр тотып,
Чыксаң иде хәзер юлыма.
Ә бүген синең туй, янәшәңдә бүтән,
Ә бүген синең туй, сөюләрең шулмы?!
Икәү бергә йөргән таныш болыннардан
Чәчәк җыям бүген котлап синең туйны.