Чәчәк тотып кулларыңа,
Чыкма башка юлларыма.
Кунак булып уйларыңа,
Килдем синең туйларыңа.
Соң мәртәбә, соңгы кабат,
Зәңгәр күзкәй, сиңа карап,
"Әче" — дигән сүзләремә
Әче яшьләр — күзләреңдә.
Соң мәртәбә, соңгы кабат,
Хыянәткә әзер җавап.
Чит-берәүләр яннарыңда —
Яралары җаннарымда.
Соң мәртәбә, соңгы кабат,
Зәңгәр күзкәй, сиңа карап,
"Әче" — дигән сүзләремә
Әче яшьләр — күзләреңдә.
Язмыш, диеп, ялгышларны,
Басып булмый сагышларны.
Сөюдән зур җәза бармы,
Аннан да зур дәва бармы?!
Соң мәртәбә, соңгы кабат,
Зәңгәр күзкәй, сиңа карап,
"Әче" — дигән сүзләремә
Әче яшьләр — күзләреңдә.
Бу җыр Газинур Фарукшин репертуарында бар
«
»