Баулы (беренче вариант)

Гармуныңны уйнап җибәр,
Кызлар, җырлыйбыз, диләр.
Бурильщик егетләр килгән,
Җырны тыңлыйбыз, диләр.

Ай-ли, баулылар,
Һәр эштә мактаулылар.
Ай-ли, баулылар,
Һәр эштә мактаулылар.

Ялтырый факел нурлары
Гармунның телләрендә.
Айсыз булса да бик якты
Шул Баулы төннәрендә.

Ай-ли, баулылар,
Һәр эштә мактаулылар.
Ай-ли, баулылар,
Һәр эштә мактаулылар.

Ерак-ераклардан ага
Баулының нефтьләре.
Җир астыннан алтын таба
Кызлары-егетләре.

Ай-ли, баулылар,
Һәр эштә мактаулылар.
Ай-ли, баулылар,
Һәр эштә мактаулылар.

Яңгырап торсын җырлардан
Баулының урамнары.
Яшь кызларның, киленнәрнең
Баулыда уңганнары.

Ай-ли, баулылар,
Һәр эштә мактаулылар.
Ай-ли, баулылар,
Һәр эштә мактаулылар.

Варианты песни

Ваша оценка: Нет Рейтинг: 10 (1 голос)
« »