Өмет җыры

Яз әле бураннар артында,
Үзенең вакытын ул белер.
Яз табар үз юлын,
Кавышыр көн килер,
Алмагач чәчәккә төренер.

Җирдә яз һәм бәхет гөлләре,
Илһамлы мәхәббәт көннәре.
Ул безгә бирелгән,
Шатлыкка төрелгән, —
Алда яз, алда яз җилләре…

Көн туа, елмая дөньяга,
Кара төн җиңелеп чигенә…
Тормышым кабатлый:
«Син, Кеше — канатлы,
Бәхетең ачкычы — үзеңдә».

Ваша оценка: Нет Рейтинг: 10 (3 голоса)
« »