Яшьлек эзләре (беренче вариант)

Җил белән серләшкән каеннар
Яңарта яшьлегем хисләрен.
Шомыртлар ак шәлен ябынгач
Сагынам авылым кичләрен.
Сагынам, өзелеп сагынам,
Ялкынлы яшьлекнең эзләрен.

Назлы җил, йомшак җил китерә
Чәчәкле болынның исләрен.
Мин тоям шул җылы җилләрнен
Яшьлектән наз булып искәнен.
Сагынам, өзелеп сагынам
Ялкынлы яшьлегем эзләрен.

Чишмәләр җырлыйлар моң итеп,
Җырлыйлар яшьлегем хисләрен.
Бирелеп уйларга, хыялга
Тыңлыйм мин агышын чишмәнең,
Сагынам, өзелеп сагынам
Ялкынлы яшьлегем эзләрен.