Бибкәй матур (икенче вариант)

Чылтырап аккан, ай, чишмәнең
Аслары ла дәрья булмасын.

Әч-түч, Бибкәй дус,
Бибкәй матур суга бара,
Иелеп-бөгелеп су ала;
Су юлында суырып үпсәң,
Алган сулары кала.

Сөям-сөям диеп син әйтәсең,
Сөюләрең хәйлә булмасын.

Әч-түч, Бибкәй дус,
Бибкәй матур суга бара,
Аягында катасы;
Су буенда суырып үпсәң,
Күрмәс микән атасы?

Сандугачларның ай, баласы,
Кунып сайрамага тал тапмый.

Әч-түч, Бибкәй дус,
Бибкәй матур суга бара
Зәңгәр чиләген асып;
Сандугачлар сайрашалар
Көянтәсенә басып.

Илләрдә матур бик күп, җаный,
Синнән башкаларны җан тартмый,

Әч-түч, Бибкәй дус,
Бибкәй матур суга бара
Зәңгәр шәлен ябынып;
Шәл астыннан качып карый
Күрмәгәнгә салынып.

Ваша оценка: Нет Рейтинг: 7.7 (3 голоса)
« »