Мәхәббәт җыры (икенче вариант)

/ «Тапшырылмаган хатлар» спектакленнән Галия җыры /

Айның көмеш нуры / Айның якты нуры /
Җиргә сибелгәндә,
Чәчләреннән сөеп, / Чәчләреңнән сыйпап, /
Җилләр үпкәндә, / Җилләр искәндә, /
Хисләр таша микән / Хисләр арта микән /
Янып сөйгән дустың / Янып сөйгән ярың /
Тәүге умырзая бүләк иткәндә?

Җандай күргән ярың
Карап күзләреңә:
«Сөям, — дисә, — сине,
Бәгырем, өзелеп».
Талпынамы икән
Күңел акчарлактай,
Мәхәббәтең дулкынына күмелеп?

Сәлам белән бергә
Хатлар китерсәләр,
Үтеп киткән язның
Кипкән гөлләрен,
Һәр тибеше саен
Йөрәк көтә микән
Тиздән килеп җитәр
Кавышу көннәрен?