Өзелеп сине сөйгәнгә

/Романс/

Язмышымның авыр юлларыннан.
Ходай кушып, сиңа кайтканмын,
Күзләреңә карап атлый-атлый,
Сөюеңә кереп батканмын.

Чыгыйм диеп аннан талпынмыйм да,
Киресенчә, керәм тирәнгә…
Дөньяларым балкып чәчкә ата,
Өзелеп-өзелеп сине сөйгәнгә.

Мине көтеп, күпме газап чиккән
Йөрәгеңне килеп какканмын,
Язмышым синең аша икән —
Ярый әле сине тапканмын.

Голосов пока нет
« »