Сезне минем алларыма
Нинди җилләр ташлады?
Йөрәк сезне күрү белән
Дөп-дөп итә башлады.
Күрдем дә калдым мин телсез,
Күрдем дә калдым өнсез.
Исәнмесез, чибәр ханым,
Әйтегез, зинһар, кем Сез?
Беләсезме икән үзегез
Сез бит тоташ гүзәллек.
Сезнең бер каравыгыз да
Үзәкләрне өзәрлек.
Күрдем дә калдым мин телсез,
Күрдем дә калдым өнсез.
Исәнмесез, чибәр ханым,
Әйтегез, зинһар, кем Сез?
Күңелемне юатырга
Әйтегез бер сүз генә.
Коткара аласыз мине
Сез генә, бер Сез генә.
Күрдем дә калдым мин телсез,
Күрдем дә калдым өнсез.
Исәнмесез, чибәр ханым,
Әйтегез, зинһар, кем Сез?
Яраттым, Сезне яраттым
Ни әйтим инде тагын?
Калдырмагыз ялгызымны,
Китмәгез, зинһар, ханым.
Күрдем дә калдым мин телсез,
Күрдем дә калдым өнсез.
Исәнмесез, чибәр ханым,
Әйтегез, зинһар, кем Сез?