Яз мизгеле

Көнозына кояш карап
Көлтәләп сибә нурын.
Күзен ачып болын уйсу,
Ачты карлы юрганын.

Кар чәчәге — умырзая
Калка бизәп урман келәмен.
Балачага аунап болыннарда
Котлый язның үләнен.

Туган җирдә оя корып,
Кошлар бала чыгара.
Язлар ярсу елга-атның
Боз камытын тугара.

Кар чәчәге — умырзая
Калка бизәп урман келәмен.
Балачага аунап болыннарда
Котлый язның үләнен.

Болыннарга бизәк өстәп,
Чәчәк ата муеллар.
Язгы таңда җанны ачып,
Шатлыкларга коенам.

Кар чәчәге — умырзая
Калка бизәп урман келәмен.
Балачага аунап болыннарда
Котлый язның үләнен.

Ваша оценка: Нет Рейтинг: 10 (2 голоса)
Бу җыр репертуарында бар
« »