Питрауларга кайтам әле
Мин Җөри авылына.
Кайтмыйм, барам, тумаган бит
Мин Җөри авылында.
Җөри сабантуйлары,
Шаулый Лыя буйлары.
Җырлап-биеп күңел ачыйк,
Питрау сабантуйлары.
Дуслар җыелышкан бүген
Кала-тау итәгенә.
Әй, кунаклар, керегез сез,
Питрау түгәрәгенә!
Җөри сабантуйлары,
Шаулый Лыя буйлары.
Җырлап-биеп күңел ачыйк,
Питрау сабантуйлары.
Шаулый мәйдан, гөрли Җөри,
Кунак кызлары килгән.
Ә уртада иң чибәре,
Питрау гүзәле икән.
Җөри сабантуйлары,
Шаулый Лыя буйлары.
Җырлап-биеп күңел ачыйк,
Питрау сабантуйлары.