Ул матурлык бу ярларга
Чайпалмый ничек сыйган?
Болытлар кичә елганы
Тәкәббер казлар сыман.
Аргы ярдан кемдер дәшә,
Ишетмик әле, иркәм.
Бу бит бары безнең дөнья —
Бөдрә тал да без икәү…
Төнбоеклар төнгә каршы
Йокылы башын салган.
Зәңгәр тынлык: өнме соң бу,
Әллә әкияти ялган?
Аргы ярдан кемдер дәшә,
Ишетмик әле, иркәм.
Бу бит бары безнең дөнья —
Бөдрә тал да без икәү…
Икебезгә, икебезгә
Садәлек, сафлык күпме?
Бөдрә чәчеңне юасың,
Соклансын әле, дипме?
Аргы ярдан кемдер дәшә,
Ишетмик әле, иркәм.
Бу бит бары безнең дөнья —
Бөдрә тал да без икәү…