Син югалтсаң мине

Категория: көе сүзләре

Син югалтсаң мине бөтенләйгә,
Күзләреңдә сүнәр чаткылар.
Йөрәгеңә төшәр бозлы сагыш,
Сүзләреңә иңәр ачы зар.

Син югалтсаң мине бөтенләйгә,
Сыкрый-сыкрый үләр бар дөньяң:
Ялкын өсти-өсти яшәтергә
Яннарыңда инде мин булмам.

Син югалтсаң мине бөтенләйгә,
Бәхет килер димә кабаттан:
Бер мин генә идем, бер мин генә
Синдә җырлы таң булып аткан.

Ваша оценка: Нет Рейтинг: 8.5 (4 голоса)
« »