Таң нурлары уйный кырларымда:
Урман чумган сихри моңнарга.
Син аңларсың минем йөрөгемне,
Әйдә, иркәм, барыйк тыңларга:
Урман чумган сихри моңнарга.
Тугайларда челтерәп чишмә ага:
Җырлый-җырлый ага кайларга?
Син аңларсың минем йөрөгемне,
Әйдә, иркәм, барыйк тыңларга:
Ага икән чишмә кайларга?
Уйный-уйный яшел куакларда,
Сандугачлар сайрый таңнарда.
Син аңларсың минем йөрәгемне,
Әйдә, иркәм, барыйк тыңларга:
Сандугачлар сайрый талларда.
Әйдә, иркәм, барыйк тыңларга
Чишмә җырын, урман моңнарын.
Син аңларсың минем йөрәгемне,
Чиртеп баксаң күңелем кылларын,
Син аңларсың сөю моңнарын.