Гүзәл Кама буйларында
Урман, күлләр, болыннар.
Кичке нурлар яктысында
Уйный серле дулкыннар.
Чистай вальсына
Ашкына хисләр.
Җыр белән уза
Чистайда кичләр.
Гөрли Кама, җырлый Кама, —
Ярда Чистай каласы.
Чистай үсә, җырга күчә
Шат, бәхетле авазы.
Яшәү шатлыгы
Чистай җырында,
Чистай сәгате
Дуслар кулында.
Агыйделнең суын алып,
Кама коя Иделгә;
Шат күңелле халкы белән
Чистай яши күңелдә.
Омтыла хисләр
Чистай ягына —
Якын дусларны
Күңел сагына.
Бу җыр Габдулла Рәхимколов репертуарында бар
«
»