Дулкыннары белән Идел
Кагылды җанга.
Мин мәңгегә монда, диде,
Агалмам анда.
Туган якның бар моңнары
Безнең күңелдә.
Җырлыйк әле, җырлыйк мәңге,
Җырлыйк бүген дә!
Сөембикә манарасын
Дәштек без юлга.
Ләкин безнең белән юлга
Чыкмады ул да.
Туган якның бар моңнары
Безнең күңелдә.
Җырлыйк әле, җырлыйк мәңге,
Җырлыйк бүген дә!
Чакырдык без шомыртларны,
Миләш, баланны.
Тик алар да безнең белән
Килә алмады.
Туган якның бар моңнары
Безнең күңелдә.
Җырлыйк әле, җырлыйк мәңге,
Җырлыйк бүген дә!