Кайтам инде дөнья урап (Кайтам әле туган якка)

Кайтам инде дөнья урап,
Туган як болынына.
Болыннарда атлар чаба,
Мин анда колын гына.

Чит илләрдә, чит җирләрдә
Газиз гомерләр үткән.
Диңгез суы нигә тозлы? —
Әллә күз яше микән?

Кайтам инде дөнья урап,
Адашам урманымда.
Минем язмыш туры килде
Юлларның уравына.

Чит илләрдә, чит җирләрдә
Газиз гомерләр үткән.
Диңгез суы нигә тозлы? —
Әллә күз яше микән?

Кайтам инде дөнья урап,
Туган як кырларына.
Йөрәккәем түзәр микән
Тургайлар җырлавына?!

Чит илләрдә, чит җирләрдә
Газиз гомерләр үткән.
Диңгез суы нигә тозлы? —
Әллә күз яше микән?

Кайтам инде дөнья урап,
Шәл япкан талларыма.
Әнкәй үзе, шәл ябынып,
Чыгар күк алларыма.

Чит илләрдә, чит җирләрдә
Газиз гомерләр үткән.
Диңгез суы нигә тозлы? —
Әллә күз яше микән?

Голосов пока нет
Бу җыр , репертуарында бар
« »