Ай, Гүзәлем

Күңелләрең кемдә икән
Белсәң иде, Гүзәлем?
«Син минеке» — дисәң әгәр
Айлар, еллар көтәрмен.

Ай, Гүзәлем, Гүзәлем,
Өзелә бит үзәгем.
«Сөям сине» — дип әйтмәсәң,
Ничек итеп түзәрмен?

Синнән якын күңелемә
Беркемне дә күрмәдем.
Кайларда гына булсам да
Сине эзли күзләрем.

Ай, Гүзәлем, Гүзәлем,
Өзелә бит үзәгем.
«Сөям сине» — дип әйтмәсәң,
Ничек итеп түзәрмен?

Гел үзенә тартып тора
Серле, зәңгәр күзләрең.
«Яратам!» — дип әйтерсеңме,
Көтәм синең сүзләрең?

Ай, Гүзәлем, Гүзәлем,
Өзелә бит үзәгем.
«Сөям сине» — дип әйтмәсәң,
Ничек итеп түзәрмен?