Ага чишмә сулары —
Бик салкын тамчылары.
Кайчанга кадәре барыр
Йөрәгем ярсулары?
Барам, барам чишмәләргә,
Тутырам чиләкләрем.
Чиләкләремдә тулган су
— Ник яна йөрәкләрем?
Уйлар уйлап, сукмак буйлап
Чайкала чиләкләрем.
Изге минем ниятләрем,
Ай, назлы теләкләрем.
Барам, барам чишмәләргә,
Тутырам чиләкләрем.
Чиләкләремдә тулган су
— Ник яна йөрәкләрем?
Чиләгемдәге сулардай
Саф минем теләкләрем.
Назлы мәхәббәтем белән
Тым-тулы чиләкләрем.
Барам, барам чишмәләргә,
Тутырам чиләкләрем.
Чиләкләремдә тулган су
— Ник яна йөрәкләрем?