/Шаян җыр/
Янам, көям, янам, көям,
Ут капты күлмәгемә.
Ут капмады күлмәгемә,
Капты яшь йөрәгемә.
Янмамын дигән идем,
Көймәмен дигән идем.
Сөю — газап, беркемне дә
Сөймәмен дигән идем.
Уф, дип, йолдызларга карыйм,
Карыйм зәңгәр төннәрдә.
Гашыйк булдым буй җитмәслек
Йолдызга тиң берәүгә.
Янмамын дигән идем,
Көймәмен дигән идем;
Сөю — газап, беркемне дә
Сөймәмен дигән идем.
Килә икән ул мәхәббәт
Юрап тормыйча гына.
Тиңме сиңа, тиң түгелме,
Сорап тормыйча гына.
Янмамын дигән идем,
Көймәмен дигән идем;
Сөю — газап, беркемне дә
Сөймәмен дигән идем.
Яшерен генә сөеп йөрсәм,
Мәңге түзәрмен кебек.
Үзе белсә, сөймим дисә,
Егылып үләрмен кебек…
Янмамын дигән идем,
Көймәмен дигән идем;
Сөю — газап, беркемне дә
Сөймәмен дигән идем.