Туган авылыма (беренче вариант)

Чынлы суы җәелеп ага,
Язгы ташкыннар килсә;
Ташкыннар кебек шаулашып,
Авылымда яшьләр үсә.

Туган авылым минем каршымда,
Күңелем һаман омтыла шунда.

Ераклардан карап киләм
Чынлы басуларына.
Шунда гына тынгы табам
Күңелем ярсуларына.

Туган авылым минем каршымда,
Күңелем һаман омтыла шунда.

Шушы кырлар буйлап минем
Яшьлек юлларым үткән.
Шул юллардан яшьлек дустым
Елмаеп чыкса икән!

Туган авылым минем каршымда,
Күңелем һаман омтыла шунда.

Ваша оценка: Нет Рейтинг: 9.1 (25 голосов)
Бу җыр , репертуарында бар
« »