Балачакның шат җырлары
Яңгырасын бөтен җирдә.
Һәрчак тату, дуслар булып
Яшик без туган илдә.
Без — бәхетле, шат балалар,
Безнең уйнар, көләр чак.
Гел шатлыклы җырлар белән
Узсын безнең балачак.
Шатланып каршы алабыз
Һәрбер туар иртәне.
Аяз күктә якты кояш
Безне назлап иркәли.
Без — бәхетле, шат балалар,
Безнең уйнар, көләр чак.
Гел шатлыклы җырлар белән
Узсын безнең балачак.
Безне көтә якты тормыш,
Шатлык һәм бәхет алда.
Лаеклы хезмәт итәрбез
Газиз туган Ватанга!
Без — бәхетле, шат балалар,
Безнең уйнар, көләр чак.
Гел шатлыклы җырлар белән
Узсын безнең балачак.
Добавлено Nightingale в Пнд, 07/03/2011 - 10:22
«
»