Яшьлекнең сүрелмәс өмет-хыяллары
Озата безне гомер юлында.
Күңелләр ашкына еракларга,
Тели йөрәк гел яшь булырга.
Әй син, серле яшьлек, гүзәл яшьлек,
Алсу таңы бит син гомернең.
Күктән иңгән иң зур бүләк кебек,
Көтеп алам һәрбер көнемне.
Яшьлек дәрте тулы тынгы белмәс күңел
Дәрья кичә, таулар күчерә.
Яшьлек — гомерләрнең сүнмәс җыры,
Без бәхетле шуның өчен дә.
Әй син, серле яшьлек, гүзәл яшьлек,
Алсу таңы бит син гомернең.
Күктән иңгән иң зур бүләк кебек,
Көтеп алам һәрбер көнемне.
Тормыш юлларыннан бергә узган чакта
Яшьлек хисе торсын ургылып.
Гомерләрнең моңсу көзендә дә
Йөрәк калсын мәңге яшь булып.
Әй син, серле яшьлек, гүзәл яшьлек,
Алсу таңы бит син гомернең.
Күктән иңгән иң зур бүләк кебек,
Көтеп алам һәрбер көнемне.