Җырлыйк, дуслар (икенче вариант)

Җырның ниндие генә юк:
Дәртлесе һәм моңлысы.
Күңелгә якын җырларны
Килә һәрчак тыңлыйсы.

Җыр яшәртә, канат бирә,
Күңелләрне җилкендерә.
Җырлыйк, дуслар, әйдәгез бергә.

Җыр агыла чишмә кебек,
Йөрәк сагышы булып.
Моңлы җырлар тибрәндерә
Күңелнең нечкә кылын.

Җыр яшәртә, канат бирә,
Күңелләрне җилкендерә.
Җырлыйк, дуслар, әйдәгез бергә.

Җыр озата бара безне
Озын гомер юлында.
Халкыбызның сагыш-дәрте
Чагыла көй-моңында.

Җыр яшәртә, канат бирә,
Күңелләрне җилкендерә.
Җырлыйк, дуслар, әйдәгез бергә.