Добавлено КуЗя в Втр, 22/03/2011 - 21:24
Шатлыклар уртаклашырга
Җыелган дусларыбыз.
Дуслар белән бергәләшеп
Күңел ачкан чагыбыз.
Әйдәгез, уйнап-көлешеп
Утырыйк әле бергә.
Бәйрәмнәрнең иң зурысы
Дуслар җыелган җирдә.
Дуслар дус булып калсыннар
Иң авыр чагында да.
һәм ямь өстәп утырсыннар
Шатлыклы табынга да.
Әйдәгез, уйнап-көлешеп
Утырыйк әле бергә.
Бәйрәмнәрнең иң зурысы
Дуслар җыелган җирдә.
Иң-иң якын, иң кадерле
Дуслар җыелган бүген.
Безнең якты хисләребез
Балкытсын күңел күген.
Әйдәгез, җырлап-көлешеп
Утырыйк әле бергә.
Бәйрәмнәрнең иң зурысы
Дуслар җыелган җирдә.