Бер-бер артлы еллар уза,
Көмеш өстәп чәчләремә.
Ә шулай да мин ышанам
Яшен булып яшьнәремә.
Без бит җиргә якты, җылы,
Ямь өстәргә яратылган.
Китмим әле яшьлегемнән —
Яз гөлләре арасыннан.
Уйлар әле шактый зурдан —
Язлар алып килү көздә.
Алда әле ак өметләр,
Йөрәк һаман унсигездә.
Без бит җиргә якты, җылы,
Ямь өстәргә яратылган.
Китмим әле яшьлегемнән —
Яз гөлләре арасыннан.
Якты кояш, ал гөлләргә
Килә һаман сөенәсе;
Елый-көлә, яна-көя
Яратасы, сөеләсе!
Без бит җиргә якты, җылы,
Ямь өстәргә яратылган.
Китмим әле яшьлегемнән —
Яз гөлләре арасыннан.
Бу җыр Вафирә Гыйззәтуллина, Гөлчәчәк Шәрипова, Гөлүзә Зиятдин, Фәнүнә Сиражетдинова репертуарында бар
«
»