Кошлар

Категория: көе сүзләре

Тезелешеп кошлар кайта
Карыйм җырлы рәтләргә.
Сезнең җырлар җитми кошлар,
Безнең дә йөрәкләргә.

Безгә дә кунып сайрагыз,
Артмасмы моңнарыбыз…
Бергә-бергә талпынырбыз,
Бергәләп моңланырбыз.

Сез кунуга чәчәк ата,
Безнең гөлләребез дә.
Кошлардагы матурлыклар
Җитми шул әле безгә.

Безгә дә кунып сайрагыз,
Артмасмы моңнарыбыз..
Бергә-бергә талпынырбыз,
Бергәләп моңланырбыз.

Кошлар сайрый канат кага
Канат куя иңнәргә.
Ак канатлар җитми әле
Безнең дә күңелләргә.

Безгә дә кунып сайрагыз,
Артмасмы моңнарыбыз…
Бергә-бергә талпынырбыз,
Бергәләп моңланырбыз.

Ваша оценка: Нет Рейтинг: 7.5 (6 голосов)
Бу җыр репертуарында бар
« »