Юлда җырлар юлдаш булсын!

Без бүген җыйдык дусларның
Иң якыннарын гына.
Бүләк итәбез җырларның
Иң матурларын гына.

Уен, көлке, җыр-моң белән
Күтәрелә күңелләр.
Юлда җырлар юлдаш булса —
Матур үтә гомерләр.

Сандугачлар безнең җырны
Дөнъяга таратсыннар.
Гашыйкларым, сөйгәннәрем,
Ныгырак яратсыннар.

Уен, көлке, җыр-моң белән
Күтәрелә күңелләр.
Юлда җырлар юлдаш булса —
Матур үтә гомерләр.

Безнең җырдан илһамланып
Күңелләр канатлансын.
Бәхет, шатлык минутлары
Ешырак кабатлансын.

Уен, көлке, җыр-моң белән
Күтәрелә күңелләр.
Юлда җырлар юлдаш булса —
Матур үтә гомерләр.