Добавлено Almaz в ПТ, 11/11/2011 - 16:05
Әйдә иркәм барасыңмы?
Мин барам кар суына
Кар сулары шифа диләр
Йөрәгем ярсуына.
Яле, иркәм, кара-кара,
Кара күземә генә.
Карасаң күземә генә
Булам үзеңә генә.
Кара күзләр, бөдрә чәчләр,
Алар безгә тиң түгел.
Тиң түгеллеген белсәм дә,
Өзелеп сөя күңел.
Яле, иркәм, кара-кара,
Кара күземә генә.
Карасаң күземә генә
Булам үзеңә генә.
Бакчаларга керәсең дә
Гөлләргә үреләсең
Гөлләргә үреләсең дә
Кем өчен өзеләсең?
Яле, иркәм, кара-кара,
Кара күземә генә.
Карасаң күземә генә
Булам үзеңә генә.