Парлы гомер

Категория: көе һәм сүзләре

Бу дөньяда бар нәрсә дә парлы —
Ходай үзе шулай яралткан.
Мәхәббәтнең мәңге сүнмәс серен
Аңлый бары өзелеп яраткан.

Тиң ярыңны таба алу — бәхет,
Яшәү ямен шунда тоясың.
Бергә-бергә сайрап яшәр өчен
Кошлар да бит кора оясын.

Парлы гомер язсын һәркемгә дә,
Ялгызлыктан Ходай сакласын.
Онытылмасын тәүге сөюебез,
Хисләребез мәңге саф калсын.

Ваша оценка: Нет Рейтинг: 5.7 (3 голоса)
« »