Йөрәкләрне тамгаладык

Су буйлары каз үләне,
Анда казлар йөзәме?
Анда казлар йөзәме?

Суларга, ярлар тар иде,
Безгә дә, ярлар бар иде,
Иң үзәкне өзгәне.

Күл — казларсыз, яр — дулкынсыз,
Тынып тормасын инде,
Тынып тормасын инде.

Яшьлектән үк, табыласы,
Язмышыма языласы
Ярым булгансың инде.

Парлап йөзгән ак казларның
Юлын бормагыз инде.
Юлын бормагыз инде.

Ярсыз яшәү бигърәк читен,
Ялгыз гомер бит ул китек,
Парсыз булмагыз инде.

Суда талларсыз инде лә,
Казлар тамгасыз инде,
Казлар тамгасыз инде.

Йөрәкләрне тамгаладык,
Адашмас юллар сайладык,
Бергә каласы инде.