Карыймын да тулган айга,
Сагышымнан ул саргая:
«Яртмый шул, яратмый!» — дип моңлансаң.
Көзге гөлләр чәчәк ата,
Кошлар кала туган якта:
«Яратам! — дип, — яратам!» — дип җырласам.
«Яратам! — дип, — яратам! — дип, — яратам!» — дип җырласам.
Сайрамаслар сандугачлар,
Чәчәк атмас алмагачлар,
Сине сөеп: «Яратам!» — дип янмасам.
Көзге гөлләр чәчәк ата,
Кошлар кала туган якта:
«Яратам! — дип, — яратам!» — дип җырласам.
«Яратам! — дип, — яратам! — дип, — яратам!» — дип җырласам.
Булмас бүтән җылы язлар,
Акмас иркен ташкын сулар,
«Саф мәхәббәт җирдә юк» — дип җырласам.
Көзге гөлләр чәчәк ата,
Кошлар кала туган якта:
«Яратам! — дип, — яратам!» — дип җырласам.
«Яратам! — дип, — яратам! — дип, — яратам!» — дип җырласам.
Добавлено Almaz в СБ, 07/01/2012 - 13:23
«
»