Күзгә никтер йокы керми һаман

Күзгә никтер йокы керми һаман,
Сәбәбе ни, һич тә белмимен.
Айлы төндә карап йолдызларга,
Иң яктысын гына эзлимен.

Бик еракта балкыса да йолдыз,
Кулны сузсам, тотармын сыман.
Ник кирәк соң йолдыз, булса ярың,
Ул бит Җирдә, сиңа якынрак.

Йолдыз санау егет эше түгел,
Эзләү кирәк сөйгән ярыңны.
Авыр чакта булсын гел яныңда,
Аңлый алсын синең җаныңны.

Бик еракта балкыса да йолдыз,
Кулны сузсам, тотармын сыман.
Ник кирәк соң йолдыз, булса ярың,
Ул бит Җирдә, сиңа якынрак.

Сөйгәнеңне таба алсаң әгәр,
Тормышлар да китә нурланып.
Һәр туар таңны икәү каршылап,
Яңа көнгә бергә куанып.

Бик еракта балкыса да йолдыз,
Кулны сузсам, тотармын сыман.
Ник кирәк соң йолдыз, булса ярың,
Ул бит Җирдә, сиңа якынрак.

Ваша оценка: Нет Рейтинг: 10 (2 голоса)
« »