Сихри иртәләр

Тагын бер таң атты — дөнья матур,
Сандугачлар сайрый күңелдә…
Гүя, җәннәт ишекләрен ачкан,
Фәрештеләр кунган иңемә.

Сокланудан сихри иртәләргә,
Әйтер сүзем кала өзелеп.
Канатларым булса очар идем,
Кошлар белән бергә тезелеп.

Кырыс тормыш, ыгы-зыгы бүген,
Аермыйсың агын — карасын…
Матур көннең тирән мәгънәсе бар:
Болытлысын онытып торасың…

Ваша оценка: Нет Рейтинг: 7.3 (4 голоса)
« »