Фиданнары, тальяннары

Унсигезләр узды инде,
Матур татлы төш булып.
Без һаман яшь, без һаман шәп,
Йөрибез егет булып.

Эх, яшьлекнең уты — дәрте,
Сүрелми дә, сүнми дә.
Көмеш теле, тальяннары,
Тальяннары, Фиданнары,
Һаман табын түрендә.
Эх, яшьлекнең уты — дәрте,
Сүрелми дә, сүнми дә.
Алма кебек чибәр кызлар,
Гүзәл кызлар, матур кызлар,
Һаман безнең уенда.

Без яшьлектә, сөйми калган,
Кызлар үпкә тотмасын.
Бер кайчан да, соң түгел дип,
Әйтсен белгән догасын.

Эх, яшьлекнең уты — дәрте,
Сүрелми дә, сүнми дә.
Көмеш теле, тальяннары,
Тальяннары, Фиданнары,
Һаман табын түрендә.
Эх, яшьлекнең уты — дәрте,
Сүрелми дә, сүнми дә.
Алма кебек чибәр кызлар,
Гүзәл кызлар, матур кызлар,
Һаман безнең уенда.
Кырыкта да, илледә дә,
Алтмышта да, җитмештә да,
Яшь егет калып булыйк.