Уйнат гармуннарыңны (беренче вариант)

Уйнат гармуннарыңны да,
Сайрат былбылларыңны.
Гармун тавышлары баса
Минем кайгыларымны.

Эх, тальян моңнары
Дәртләндерми кемнәрне?
Җырлата да, биетә дә,
Күтәрә күңелләрне.

Сары матур, сары матур,
Сары матур сайласаң.
Әллә кайлардан табырмын,
Кошлар булып сайрасаң.

Эх, тальян моңнары
Дәртләндерми кемнәрне?
Җырлата да, биетә дә,
Күтәрә күңелләрне.

Бакчаларга чыксаң иде —
Бадыян түтәлләре.
Ал булса да, гөл булса да,
Кирәкми бүтәннәре.

Эх, тальян моңнары
Дәртләндерми кемнәрне?
Җырлата да, биетә дә,
Күтәрә күңелләрне.