Кеше гомерләре юллар кебек,
Җырлар кебек кеше язмышы.
Куандыра шатлыклары,
Үкендерә ялгышы.
Җырлыйк әле, дуслар, җырлыйк әле,
Кайгы-хәсрәтләрне таратып.
Моңга чорнап дөнъяларны,
Нурга чорнап, яратып.
Юллар очраштырды,таныштырды
Ялгыштырды юллар кайчакта.
Үкенечләр әрнеп яна
Йөрәктәге учакта.
Җырлыйк әле, дуслар, җырлыйк әле,
Кайгы-хәсрәтләрне таратып.
Моңга чорнап дөнъяларны,
Нурга чорнап, яратып.
Хисләремне йөгәнләгән чакта,
Күз яшьләрем чыга ургылып.
Язмыш язган бәхетеңне
Югалтуы бер минут.
Җырлыйк әле, дуслар, җырлыйк әле,
Кайгы-хәсрәтләрне таратып.
Моңга чорнап дөнъяларны,
Нурга чорнап, яратып.
Бу җыр Айдар Галимов репертуарында бар
Добавлено Almaz в СР, 12/12/2012 - 20:56
«
»