Сөюемне сагынам (икенче вариант)

Сиңа булган сөюемнән
Йөри идем тилмереп.
Бу дөнъяның бар бәхетен
Тик синдә генә күреп.
Тик синдә генә күреп.

Дөньядагы илаһи көч,
Мәхәббәткә табынам.
Сине түгел. Сиңа булган
Сөюемне сагынам.
Сине түгел. Сиңа булган
Сөюемне сагынам.

Тормышымның нуры иде
Сиңа булган сөюем.
Һава кебек кирәк иде —
"Мин яратам!", диюең.
"Мин яратам!", диюең.

Дөньядагы илаһи көч,
Мәхәббәткә табынам.
Сине түгел. Сиңа булган
Сөюемне сагынам.
Сине түгел. Сиңа булган
Сөюемне сагынам.

Дәрт тулы иде йөрәгем,
Бетмәстәй иде көчем.
Әллә ниләр эшли идем
Син мине күрсен өчен.
Син мине күрсен өчен.

Дөньядагы илаһи көч,
Мәхәббәткә табынам.
Сине түгел. Сиңа булган
Сөюемне сагынам.
Сине түгел. Сиңа булган
Сөюемне сагынам.