Кәгазь көймә

Категория: көе сүзләре

Шарлавыкта кәгазь көймә
Бөтерелеп агып килә.
Үзе җитез, үзе актыр,
Бәлки, миңа сәлам хаттыр, сәлам хаттыр.

Кәгазь көймә, кәгазь көймә,
Каян килдең — сөйлә, сөйлә, сөйлә, сөйлә!

Сумы шулай уйный-көлә —
Тылсымлы чың ишетелә.
Көймәдәге ак чатырга
Мине шулай кем чакыра, кем чакыра?

Кәгазь көймә, кәгазь көймә,
Каян килдең — сөйлә, сөйлә, сөйлә, сөйлә!

Кердем, йөрдем көймәдә мин,
Күрдем нәрсә төялгәнен,
Алып кала алдым бары
Балачагым хыялларын, хыялларын…

Кәгазь көймә, кәгазь көймә,
Каян килдең — сөйлә, сөйлә, сөйлә, сөйлә!

Шарлавыкта кәгазь көймә.
Син аңарга, зинһар, тимә.
Исән-имин ага бирсен —
Балачагын һәркем күрсен, һәркем күрсен…

Кәгазь көймә, кәгазь көймә,
Каян килдең — сөйлә, сөйлә, сөйлә, сөйлә!

Ваша оценка: Нет Рейтинг: 10 (2 голоса)
Бу җыр репертуарында бар
« »