Язын сыерчыклар кайтып,
Оясын тапса,
Бакчаларда алмагачлар
Шау чәчәк атса,
Кояш көлсә, ай елмайса
Илем күгендә, —
Тибрәнә җыр дулкыннары
Минем күңелдә!
Бәхетле елмаеп, ана
Баласын кочса,
Тыныч күктә ак юл сызып,
Самолет очса,
Дуслар гөрләшеп утырса
Табын түрендә, —
Тибрәнә җыр дулкыннары
Минем күңелдә!
Шауласа бодай кырлары,
Бөртеккә тулып.
Чакырса ерак офыклар,
Яңа юл булып.
Үсеп чыкса зур бер кала
Туган җиремдә, —
Тибрәнә җыр дулкыннары
Минем күңелдә!..
/Җыр М.Мозаффаров тарафыннан Г.Зәйнашева шигыренә И.Шакиров киңәше, үтенүе белән 1962 елда язылган/
Ноты для песни:
Бу җыр Илһам Шакиров репертуарында бар
«
»