Туган яктан киткән чакта
Елап калды ак чәчәкләр —
Авылымнан ябышып килгән
Илгәзәкләр-тигәнәкләр.
Тигәнәкләр-илгәзәкләр,
Сез бит минем сердәшләрем,
Туган яктан еракларда
Сез сөртәсез күз яшьләрем!
Тигәнәкнең энәләре
Чәнчеп тора җаннарымны.
Кайтып күр син сагынганда
Газиз туган якларыңны.
Тигәнәкләр-илгәзәкләр,
Сез бит минем сердәшләрем,
Туган яктан еракларда
Сез сөртәсез күз яшьләрем!
Тигәнәкләр-илгәзәкләр,
Карамагыз ачу катыш.
Кармагыз, хурламагыз,
Читтә йөрү — безнең язмыш!
Тигәнәкләр-илгәзәкләр,
Сез бит минем сердәшләрем,
Туган яктан еракларда
Сез сөртәсез күз яшьләрем!
Бу җыр Фәдис Гәниев репертуарында бар
«
»