Соң очраштык …

Язның тәүге чәчәкләрен
Бүләк иттем ятларга.
Кире кайтыр юллар юк бит
Шул ялгышкан чакларга.

Соң очрадың, минем йөрәгемне
Җилкендерер генә өченме?!
"Яшьлек синсез үтеп китте бит!" — дип,
Үкендерер генә өченме?

Язның тәүге чәчәкләрен
Өзмәгән булыр идем.
Сине генә көтеп шулай
Гөлләрдәй сулыр идем.

Соң очрадың, минем йөрәгемне
Җилкендерер генә өченме?!
"Яшьлек синсез үтеп китте бит!" — дип,
Үкендерер генә өченме?

Язның тәүге чәчәкләрен
Көзләр җиткәч эзләмә.
Янып, көл-күмергә калган,
Йөрәкне өзгәләмә.

Соң очрадың, минем йөрәгемне
Җилкендерер генә өченме?!
"Яшьлек синсез үтеп китте бит!" — дип,
Үкендерер генә өченме?