Терәк булыр кешең кирәк

Терәк булыр кешең кирәк
Тормыш юлын үтәргә.
Теләкләрең кабул булып
Рәхәт гомер итәргә.

Сайрап яшәр өчен кирәк
Сандугачка тал-тирәк.
Бергә булсаң ярың белән
Дөнья була түгәрәк.

Аккошларга кайтыр өчен
Таза елгалар кирәк.
Гомер матур үтсен өчен
Таһир-Зөһрәләр кирәк.

Сайрап яшәр өчен кирәк
Сандугачка тал-тирәк.
Бергә булсаң ярың белән
Дөнья була түгәрәк.

Гомер шаулап үтә икән
Әйтерсең аккан елга.
Ярыңа ярәшеп яшәү
Тиң бит ул матур җырга.

Сайрап яшәр өчен кирәк
Сандугачка тал-тирәк.
Бергә булсаң ярың белән
Дөнья була түгәрәк.
Бергәләшеп парың белән
Яшәве күңеллерәк.