Былбылым

Яз килә дә китә,
Йөрәк көтә-көтә,
Яшьлек үтә-үтә,
Яз сымак.

Син былбылым минем —
Җырланмаган җырым,
Балкып кил син,
Аткан таң сымак.

Мин яшимен җирдә,
Синең белән бергә,
Син бит минем сүнмәс йолдызым.

Әле соң син кайда?
Былбыл булып сайра,
Күңелемне юат, былбылым.

Язын кошын кайта,
Гөлләр чәчәк ата,
Син балкыйсың бәхет йолдызым.

Сине көндә көтәм,
Килерсең дип иркәм,
Бик сагындым сине, былбылым.

1960