Язгы сулар кебек ташып
Сүрелгән яшь чаклардан,
Туфрагында ятып калган
Былтыргы яфраклардан
Сәлам сиңа, авылдашым,
Туган-үскән җирләрдән,
Туган-үскән җирләренә
Кайтып искән җилләрдән.
Бала чактай җемелдәгән
Таңгы нарасый чыктан,
Һәр яз оясына кайтып
Сайраган сыерчыктан
Сәлам сиңа, авылдашым,
Туган-үскән җирләрдән,
Туган-үскән — җирләренә
Кайтып искән җилләрдән.
Авылыңның уйчан төнен
Яктырткан тын аеннан,
Әнкәң туфрагында моңсу
Шаулаган ак каеннан
Сәлам сиңа, авылдашым,
Туган-үскән җирләрдән,
Туган-үскән җирләренә
Кайтып искән җилләрдән…
Ноты для песни:
Добавлено kamilbakir в ЧТ, 19/09/2013 - 15:38
«
»