Добавлено Almaz в ЧТ, 31/10/2013 - 18:44
Күтәрелдем биек түбәләргә,
Сәлам бирде миңа шан-шөһрәтләр.
Тауга карап, тау буласым килде.
Эх, хыялым минем — шул таулар.
Диңгез кичтем. Дулкыннар, сез нигә
Йөрәгемә бәреп индегез?
Индегез дә кабат тынмадыгыз.
Эх, хыялым хәзер — шул диңгез.
Гомерлеккә гашыйк булдым сиңа,
Һәр бер сулышыңны тоямын.
Сөйдең дә син, сөйдерә дә белдең
Тик һаман син минем хыялым.