Добавлено Almaz в Втр, 12/11/2013 - 23:01
Өфе — Ырымбур юллары,
Эй, яшьлегем еллары,
Шул юлларны үткән саен,
Бер ашкынып, бер моңаеп,
Чыңлый күңелем кыллары.
Өфе — Ырымбур арасы
Өч йөз җитмеш чакырым.
Шул юлларның һәр чакрымы
Тәүге сөю җыры кебек,
Гел-гел тора чакырып.
Кавыша алмый агалар
Агыйдел белән Сакмар,
Аерылды юллар безнең,
Тик яшьлекнең истәлеген
Йөрәкләр мәңге саклар.
Өфе — Ырымбур юлында
Сызылып таңнар ята.
Безне аерган юлларны,
Безне аерган елларны
Йөрәкләр якынайта.