Горурлыгым туган илемдә

Туган җирем, туган халкым диеп
Утлар-сулар кичкән улларың
Матурлыкны, гүзәллекне җыйган
Зифа буйлы, горур кызларың

Күп милләтләр бергә тату яши
Бергә бәйләп язмыш юлларын
Бергә-бергә гасырларга илтә
Милләт данын, туган ил данын

Горурлыгым туган илемдә
Горурлыгым туган телемдә
Чачәк ата азат Татарстан
Россиянең иң-иң түрендә!

Җиңүләрдән җиңүләргә генә
Атлый илем һаман һаман да
Гаделсезлек булмас җир шарында
Минем туган илем булганда

Горурлыгым туган илемдә
Горурлыгым туган телемдә
Чачәк ата азат Татарстан
Россиянең иң-иң түрендә!

Горурлыгым туган илемдә
Горурлыгым татар теледә
Чачәк ата азат Татарстан
Россиянең иң-иң түрендә!