Сәлам сезгә, дуслар — туганнар —
Йөрәкләре моңга тулганнар!
Хозур Урал — безнең илебез,
Чәчәк атсын газиз җиребез.
Күңелләрдә безнең бер теләк —
Дус яшик әйдәгез бергәләп.
Күккә ашкан урман — таулары,
Чыңлап ага көмеш сулары
Җир оҗмахы Башкортстанның —
Сиңа, миңа уртак Ватанның.
Күңелләрдә безнең бер теләк —
Дус яшик әйдәгез бергәләп.
Җил тирбәткән каен яфрагы,
Иген үскән изге туфрагы —
Торганы бер олы бәрәкәт,
Янамасын аңа һәләкәт.
Күңелләрдә безнең бер теләк —
Дус яшик әйдәгез бергәләп.
Тотынышыйк кысып кулларны,
Якын итеп ерак юлларны
Тыгыз сафта бергә атлыйк без,
Ватаныбыз котын саклыйк без.
Күңелләрдә безнең бер теләк —
Дус яшик әйдәгез бергәләп.
Тыныч булсын аяз күгебез,
Нур беркесен көләч йөзебез.
Хуҗалары илнең үзебез,
Бердәмлектә безнең көчебез.
Күңелләрдә безнең бер теләк —
Дус яшик әйдәгез бергәләп.